საქართველოს ეკლესიის ავტოკეფალიის, პატრიარქის აღსაყდრებისა და დაბადების დღის აღნიშვნასთან დაკავშირებით სპეციალური კომისია შეიქმნება, - განაცხადა საქართველოს პრემიერ-მინისტრმა. გიორგი კვირიკაშვილის განცხადებით, კომისიის შემადგენლობაში მთავრობის, საპატრიარქოს, საზოგადოების წარმომადგენლები შევლენ.
„2017 წელს სრულდება 100 წლისთავი საქართველოს ეკლესიის ავტოკეფალიის აღდგენიდან, ასევე არის ყველასთვის ძალიან ძვირფასი ადამიანის - ჩვენი პატრიარქის აღსაყდრებიდან 40 წლის იუბილე და დაბადების 85 წლის იუბილე, ამიტომ ჩვენ გადავწყვიტეთ, რომ შეიქმნას სპეციალური კომისია, სადაც შევლენ, მთავრობის, საპატრიარქოს, საზოგადოების წარმომადგენლები, რათა განსაკუთარებლად აღვნიშნოთ ეს ძალიან მნიშვნელოვანი თარიღი. განსაკუთარებულ აღნიშვნაში იგულისხმება ალბათ, რამდენიმედღიანი ღონისძიებები“, - განაცხადა კვირიკაშვილმა.
მისივე თქმით, შესაძლოა ჩატარდეს სამეცნიერო კონფერენციები, ასევე საერთაშორისო სამშვიდობო კონფერენცია, სადაც დაპატიჟებულები იქნებიან მაღალი რანგის სტუმრები, მათ შორის, პოლიტიკოსები.
