ოდესელმა ნაციონალისტებმა რუსეთის საკონსულოს მიმდებარე ტერიტორია გაწმინდეს. ამის შესახებ სააგენტო ტასი იტყობინება. გავრცელებული ინფორმაციით, მემარჯვენე სექტორის აქტივისტებმა საკონსულოსთან მიტანილი ყვავილები და სანთლები გადაყარეს. თავდაცვის სამინისტროს კუთვნილმა თვითმფრინავმა კატასტროფა 25 დეკემბერს სოჭის სანაპიროსთან განიცადა, რასაც 92 ადამიანი ემსხვერპლა. დაღუპულთა ხსოვნას პატივი ოდესელებმა საკონსულოსთან ყვავილების მიტანით მიაგეს.
