ახალი ამბების სააგენტო GHN-ის ორგანიზებით, 2016 წლის ადამიანებისა და კომპანიების - „ოქროს პერგამენტის" ლაურეატების დაჯილდოების ცერემონიალზე, „ოქროს პერგამენტის" საპატიო ლაურეატი სომხეთის ახალი ამბების სააგენტო „არმენპრესს“ გადაეცა.
სპეციალური პრიზი „არმენპრესის“ გენერალურ დირექტორს არამ ანანიანს, „ჯი-ეიჩ-ენის“ მთავარმა რედატორმა თემურ ჭუმბურიძემ გადასცა.
2016 წელს ''ოქროს პერგამენტის'' ლაურეატები 11 ნომინაციაში დასახელდნენ. გამარჯვებულები საქართველოს მასშტაბით ჩატარებული გამოკითხვის საფუძველზე გამოვლინდნენ.
2016 წლის „ოქროს პერგამენტის" ლაურეატები დასახელდნენ შემდეგ ნომინაციებში: წლის პოლიტიკოსი, უფლებადამცველი, ბიზნესმენი, ქველმოქმედი, ჟურნალისტი, სპორტსმენი (ფედერაცია), წლის პროექტი, კომპანია, ბრენდი, წლის ტელეპროექტი და „ოქროს პერგამენტის" საპატიო ლაურეატი.
2016 წლის ადამიანებისა და კომპანიების - "ოქროს პერგამენტის" ლაურეატობის კანდიდატების სარეიტინგო შერჩევაში მონაწილეობა 100-მა ექსპერტ-სპეციალისტმა მიიღო. სარეიტინგო შერჩევის საფუძველზე შედგა ნომინატების სია და გამოკითხვის ანკეტა.
სულ საქართველოს მასშტაბით საკონსულტაციო-კვლევითი ჯგუფის GCG-ის მიერ გამოიკითხა 2157 რესპონდენტი.
ღონისძიების საინფორმაციო მხარდამჭერები: რადიო „ფორტუნა", გაზეთი"ვერსია", გაზეთი „ქართული სიტყვა", GHN, "მთავარი.ინფო". „პრაიმნიუსჯორჯია“.
