2017 წლიდან ტელეკომპანია "იმედის" ნაწილი "მაესტრო" გახდება. "მაესტროს" დამფუძნებელი, მამუკა ღლონტი, აცხადებს, რომ ეს გარიგება არჩევნების წინ მოხდა.
„ვამბობდი, რომ მაესტროს რეალური მყიდველი არის ირაკლი რუხაძე. ხოლო ირაკლი რუხაძის რეალური მყიდველი ვინ არის და "იმედის" რეალური მყიდველი, ამის მიხვედრა ძნელი არ არის. ახლა საუბრობენ, რომ "იმედმა" შეძინა "GDS" და "მაესტრო", მაგრამ მე ასე ვიტყოდი, "GDS" -მა შეიძინა "მაესტრო" და "იმედი". ყველაფრის უკან მე ვხედავ ხელისუფლებას და ბიძინა ივანიშვილს,“ - აცხადებს მამუკა ღლონტი.
მისი თქმით, მთავრობის შემდეგი ეტაპი არის ის, რომ ყველა თავისუფალი მედიასაშუალებების დევნას შეძენის, საგადასახადოს შეშვების ფორმით დაიწყებენ.
„ამ გარიგებას ჩვენ ვერ ჩავშლით. მე მათ შემომითვალეს, რომ თუ არ მივყიდით წილებს, ისინი "მაესტროს" საწესდებო კაპიტალს გაზრდიან და ამ ფორმით საერთოდ გაგვაგდებენ მაესტროს დამფუძნებელთა რიგიდან,“- განაცხადა კურიერის პირდაპირ ეთერში მამუკა ღლონტმა.
