ნადეჟდა სავჩენკო ევროპის საბჭოს საპარლამენტო ასამბლეის სხდომებსაც ვეღარ დაესწრება. უკრაინული დელეგაციის ხელმძღვანელის, ვლადიმერ არიევის განმარტებით, როდესაც სავჩენკო პასეს დეპუტატად აირჩიეს, ის რუსების ტყვეობაში იმყოფებოდა.
„ეს მის მხარდასაჭერად გაკეთდა და გარკვეულწილად მისი გათავისუფლების პროცესს შეუწყო ხელი. დღეისათვის კი სიტუაცია შეიცვალა,“-აცხადებს არიევი. დონბასის ლიდერებთან შეხვედრის გამო სავჩენკო ჯერ პარტია ბატკივშინიდან, შემდეგ კი საპარლამენტო ფრაქციიდან გარიცხეს.
