ვაკის რაიონის გამგეობის დაკვეთით, 9 მისამართზე ღობეების დამონტაჟება დასრულდა. კერძოდ, ახალი რკინის ღობეები მოეწყო ნუცუბიძის ქუჩის 4 მონაკვეთზე, ჟღენტის ქუჩაზე, ნუცუბიძის IV მ/რ-ში, უნივერსიტეტის ქუჩაზე, ჭავჭავაძის გამზირის # 49ა-ს და # 70 მიმდებარე ტერიტორიებზე. საერთო ჯამში, მიმდინარე პროექტის ფარგლებში, ვაკის რაიონში დამონტაჟებულია 608 გრძ.მ. ღობე. სამუშაოები შპს "რეალ ენერჯიმ" შეასრულა.
