სომხეთის სახელმწიფო საინფორმაციო სააგენტო „არმენპრესი“ და საქართველოს საინფორმაციო სააგენტო „GHN“- ი თანამშრომლობის ახალ საფეხურზე გადადიან. „არმენპრესის“ დირექტორმა არამ ანანიამა, ერევანში GHN-ის დელეგაცია მიიღო, რომელსაც სააგენტოს მთავარი რედაქტორი თემურ ჭუმბურიძე ხელმძღვანელობდა.
საინფორმაციო სააგენტოების ხელმძღვანელებმა განიხილეს ურთიერთანამშრომლობის წესები, რომელიც არამ ანანიანის თქმით, საკმაოდ ნაყოფიერი იყო. დასახეს თანამშრომლობის სამომავლო გეგმები.
„დაიგეგმა თანამშრომლობის სამომავლო მოქმედებები, პროგრამა. ერთმანეთს გავუზიარეთ გამოცდილებები, როგორც საინფორმაციო სააგენტოების, ასევე სოციალურ მედიასთან დაკავშირებით. ასევე, ვისაუბრეთ ახალი მედიაპროდუქტების შექმნასა და არსებულის ფორმირების შესახებ. უკვე ვცვლით ინფორაციებს ჩვენს ქვეყნებში მიმდინარე მთავარი მოვლენების შესახებ“, -
განაცხადა არამ ანანიანმა და აღნიშნა, რომ ეს თანამშრომლობა არცთუ დიდი სააგენტოებისთვის, ძალიან მნიშვნელოვანია.
,,შეუძლებელია ყველა ქვეყანაში გყავდეს წარმომადგენელი. შესაბამისად, ასეთი თანამშრომლობა ზრდის ჩვენი მუშაობისა და პროფესიონალიზმის ხარისხს“, - ამბობს ანანიანი.
მისივე თქმით, მიღწეულია შეთანხმება, გაიზარდოს ინფორმაციის გაცვლა ეკონომიკისა და ტურიზმის სფეროებში, კულტურული ღონისძებების შესახებ და ა.შ. რადთა, ჩვენი ქვეყნების მოსახლეობა უფრო კარგად იყოს ინფორმირებული მეზობელ ქვეყანაში მიმდინარე მოვლენების შესახებ.
„შევეცდებით ავაშენოთ ჟურნალისტური ხიდი. როგორც ნამდვილ მეგობრებს, ჩვენ შეგვიძლია ვაწარმოოთ გახსნილი და ღია დიალოგი ძალიან ბევრ საკითხთან დაკავშირებით“, - დასძინა არამ ანანიანმა.
GHN-ის მთავარი რედაქტორი თემურ ჭუმბურიძე მიიჩნევს რომ ძალიან დიდი მნიშვნელობა აქვს სხვადასხვა ქვეყნის სააგეტნოებთან თანამშრომლობას. მისი თქმით, გამოცდილების გაზიარება და პროფესიული თანამშრომლობა, საფუძველს უდებს ახალ მიდგომებს.
„არმენპრესთან თანამშრომლობის დიდი პოტენციალი არსებობს. ჩვენ შეგვიძლია ერთად ვიმუშაოთ სხვადსხვა სფეროებში. მოვახდინოთ ინფორმციების სწრაფი გაცვლა, გავიზიაროთ ერთმანეთის გამოცდილება. ამასთანავე, განვავითაროთ და სრულყოფილი გავხადოთ ჩვენი მუშაობა“, - განაცხადა ჭუმბურიძემ.
მისივე თქმით, პროფესიული მიდგომები სააგენტოების მუშაობაში, დიდ როლს ასრულებს თანამედროვე მსოფლიოში.
,,პროფესიონალიზმის ერთგულებით, ეს საინფორმაციო სააგენტოები იქნებიან კარგი მაგალითი სხვა საინფორმაციო საშუალებებისთვის“, - დასძინა თემურ ჭუმბურიძემ.