ტელეკომპანია „იმედი“ თავდაცვის მინისტრის, ლევან იზორიას 20 აგვისტოს ბრძანებას ასაჯაროებს.
დოკუმენტის მიხედვით, ლევან იზორიამ, თავდაცვის უწყებში მისვლისთანავე, გუნდის წევრები სოლიდური დანამატებით წაახალისა.
კერძოდ- მედიასთან ურთიერთობის სამსახურის უფროსმა, თამარ გორთამაშვილმა 5 485 ლარი მიიღო, მინისტრის მოადგილემ ნუკრი გელაშვილმა - 4 942 ლარი, კიდევ ერთმა მოადგილემ ზაალ კაპანაძე - 4 806 ლარი.
სოლიდური თანხები მიიღეს სამხედრო პოლიციის და გენერალური ინსპექციის ხელმძღვანელებმაც.
როგორც „ქორნიკა“ იუწყება, შესაბამისი ინფორმაციის მიღებას უკვე რამდენიმე კვირაა უშედეგოდ ცდილობენ არასამთავრობო რგანიზაციები. იზორიას უწყება საჯარო ინფორმაციის გაცემაზე უარს ამბობს. IDFI თავდაცვის სამინისტროსთან სასამართლო დავას იწყებს.
