სახალხო დამცველმა მინიმალური ხელფასის პოლიტიკის შესაბამისობის შემოწმების შესახებ კვლევა წარადგინა.
სახალხო დამცველის აპარატმა და პროფკავშირების გაერთიანებამ, ფრიდრიხ ებერტის ფონდის მხარდაჭერით განხორციელებული ერთობლივი პროექტის ფარგლებში საარსებო მინიმუმისა და მინიმალურ ხელფასთან დაკავშირებით ქვეყანაში არსებული რეგულაციები შეამოწმეს და ერთობლივი რეკომენდაციები შეიმუშავეს.
მათი რეკომენდაციების მიხედვით, პარლამენტმა უნდა მოახდინოს მინიმალური ხელფასის დაწესების შემდეგ შრომის საერთაშორისო ორგანიზაციების 1970 წლის #131 კონვენციის რატიფიცირება. ასევე საქართველოს ორგანულ კანონში “საქართველოს შრომის კოდექსში” შეტანილ იქნას ცვლილება და გაჩნდეს მინიმალური ხელფასის დეფინიცია, ასევე მინიმალური ხელფასის ოდენობა განისაზღვროს როგორც საათობრივი, ასევე ყოველთვიური სახით, შესაბამისი კვლების საფუძველზე განისაზღვროს სამართლიანი მინიმალური ხელფასის ოდენობა. ასევე მინიმალური ხელფასის ანაზღაურებაზე უნდა განხორციელდეს კონტროლი.
„ჩვენ ვსაუბრობთ იმაზე, რომ აუცილებელია, სახელმწიფომ დაარეგულიროს ეს საკითხი, არსებობს გარკვეული საერთაშორისო ვალდებულები, მათ შორის რამდენიმე საერთაშორისო კონვენცია, რომლის მონაწილე ასევე საქართველოც არის, ჩვენ სწორედ აქცენტს ვაკეთებთ იმ საერთაშორისო ვალდებულებებზე, რაც სახელმწიფოს აქვს. საქარველოს პრეზდენტის 1999 წლის ბრძანებულებით მინიმალური ხელფასის ოდენობა თვეში 20 ლარია, რაც სასაცილოა და შეიძლება ითქვას არაადეკვატური”, - განაცხადა უჩა ნანუაშვილმა.
