საქართველოს საგარეო საქმეთა სამინისტრო დღეს, იტალიის ცენტრალურ ნაწილში მომხდარ მიწისძვრასთან დაკავშირებით განცხადებას ავრცელებს და იტალიაში მცხოვრებ საქართველოს მოქალაქეებს მიმართავს.
„იტალიის ქალაქ რომში საქართველოს საელჩოში 24 საათიან რეჟიმში მოქმედებს ცხელი ხაზი: (+39 333) 887 91 23.
საქართველოს საგარეო საქმეთა სამინისტროს საკონსულო დეპარტამენტში ასევე მოქმედებს 24 საათიანი ცხელი ხაზი: (+995 32) 294 50 50.
მოვუწოდებთ იტალიაში მყოფ საქართველოს მოქალაქეებს, საჭიროების შემთხვევაში დაუკავშირდნენ საკონსულო დაწესებულებას“, - აღნიშნულია საგარეო საქმეთა სამინისტროს მიერ გავრცელებუყლ განცხადებაში.
დღეს იტალიის ცენტრალურ ნაწილში კვლავ ძლიერი მიწისძვრა დაფიქსირდა. მიწისქვეშა ბიძგებმა რიხტერის შკალით 6.6 მაგნიტუდა შეადგინა.
