ჰოლივუდში ღირსების ხეივანში კიდევ ერთი მსახიობის ვარსკვლავი გაიხსნა. 2593-ე ვარსკვლავი ბრიტანელ ჰიუ ლორის გაუხსნეს. ამერიკელი მაყურებლის გული ლორიმ სერიალ „დოქტორ ჰაუსით“ დაიპყრო, სადაც ექსცენტრულ პერსონაჟს განასახიერებს. სერიალს მსოფლიოს მასშტაბით მილიარდამდე ტელემაყურებელი ადევნებს თვალს. ჰიუ ლორი გინესის რეკორდების წიგნშიც მოხვდა, როგორც მსახიობი, რომელმაც ტელეეკრანებთან ყველაზე მეტი მაყურებელი მიიზიდა.
