ვენეციაში საპროტესტო აქცია გაიმართა, რომლის მონაწილეებმაც არხებში საკრუიზო ლაინერების მოძრაობა გააპროტესტეს. ადგილობრივ მცხოვრებლებსა და ეკოლოგებს გარემოსთვის მიყენებული ზარალი აშფოთებთ. ვენეციის მუნიციპალიტეტის წარმომადგენლები და გემების მფლობელები კი ვითარებას განსხვავებულად აფასებენ. მათი მტკიცებით, დიდი გემების მოძრაობა სამუშაო ადგილებს ქმნის, რაც ადგილობრივების ინტერესებს უნდა პასუხობდეს. ლაინერების მოძრაობის შეზღუდვის შესახებ კანონი 2013 წელს ამოქმედდა, 2015 წლიდან კი სამართლებრივი ნორმა ისევ შეიცვალა.
