აღსრულების ბიუროს ეზოში მომხდარი სროლის შემდეგ ადგილზე სამი ცეცხლსასროლი იარაღია ნაპოვნი. ამ დროისთვის არსებული ინფორმაციით, იპოთეკარს ბინის პატრონმა ცეცხლსასროლი გაუხსნა, რასაც საპასუხო სროლა მოჰყვა. დაჭრილია თავად ბინის პატრონიც. ვრცელდება ინფორმაცია, რომ შესაძლებელია ინციდენტში მონაწილე პირები სამართალდამცავი ორგანოების თანამშრომლები იყვნენ.
შინაგან საქმეთა სამინისტრომ მომხდარ ინციდენტთან დაკავშირებით გამოძიება დაიწყო.
უწყების ინფორმაციით, ფაქტზე გამოძიება სისხლის სამართლის კოდექსის 19-108 და 236 მუხლებით დაიწყო. ამასთან, გავრცელებულ ინფორმაციას ინციდენტის დროს დაჭრილი ერთ-ერთი პირის გარდაცვალების შესახებ, უწყებაში არ ადასტურებენ.
აღსრულების ეროვნული ბიუროს ეზოში მომხდარი სროლისას ორი ადამიანი დაიჭრა. აღსრულების ეროვნული ბიუროს საზოგადოებასთან ურთიერთობის მენეჯერის პაატა შამუგიას განცხადებით, ერთმანეთს ორი მოქალაქე დაუპირისპირდა, რომელთაც აღსრულების ეროვნულ ბიუროსთან კავშირი არ აქვთ.
