დღეს, 18 ივლისს, tkt.ge-ზე ცნობილი მევიოლინეს ვანესა მეის კონცერტზე დასასწრები ბილეთების გაყიდვა დაიწყება.
ცნობილი მევიოლინეს ვანესა მეის კონცერტზე დასასწრები ბილეთების ფასი 30 ლარიდან იწყება. ბრიტანელი არტისტი კონცერტს Black Sea Arena-ზე 6 აგვისტოს გამართავს.
Black Sea Arenas ივენთ დეპარტამენტის ხეკმძღვანელის ანი კავლელიშვილის თქმით, ვანესა მეი საქართველოში სპეციალური პროგრამით წარსდგება.
“მას ძალიან გაუკვირდა და გაუხარდა, რომ საქართველოში იცნობენ და უყვართ, ამიტომ ის ჩამოვა მისი ჰიტებით, რომელიც ჩვენს მოსახლეობას უყვარს”,- აღნიშნა კავლელიშვილმა. ელექტრონული კლასიკის დედოფლად წოდებული ვანესა მეი კლასიკური მუსიკის პირველი წარმომადგენელია, რომელმაც “Brit Awards”-ის ნომინაცია მიიღო, როგორც საუკეთესო ქალმა არტისტმა. მას 1997 წელს მიღებული აქვს “მსოფლიო მუსიკის ჯილდო”.
