მიხეილ ჯანელიძეს აშშ-ში საქართველოს ელჩის თანამდებობაზე, დავით ზალკალიანს კი საგარეო საქმეთა მინისტრად დანიშნავენ, ამის შესახებ სავარაუდო ინფორმაციას 2030.news ავრცელებს.
„საინტერესო ინფორმაციაა, ამის შესახებ ინფორმაციას არ ვფლობ. მე ვმუშაობ ჩემს პოზიციაზე“, - განუცხადა ჯანელიძემ 2030.news-ს.
ამ დროისთვის ოფიციალურად არ დასტურდება, რომ არჩილ გეგეშიძე ელჩის თანამდებობას ტოვებს, თუმცა, არსებული ინფორმაციით, გადაწყვეტილება მისი ელჩობიდან წასვლის შესახებ უკვე მიღებულია.
მიხეილ ჯანელიძის აშშ-ში ელჩობის საკითხი ჯერ კიდევ გიორგი კვირიკაშვილის საგარეო საქმეთა მინისტრობის დროს განიხილებოდა. ასევე, საგარეო საქმეთა მინისტრად განიხილებოდა დავით ზალკალიანი, როდესაც ის მინისტრის მოადგილის თანამდებობას დაუბრუნდა.
