საგარეო საქმეთა მინისტრი მიხეილ ჯანელიძე აშშ-ში საქართველოს ელჩის განცხადებას ეხმაურება, რომლის თანახმადაც საქართველოს ხელისუფლებაში პრორუსული ძალები არიან.
მინისტრის განცხადებით, არჩილ გეგეშიძის აშშ-დან გამოწვევის საკითხი ელჩთან შეხვედრის შემდეგ გახდება ცნობილი.
„როგორც კი გაიმართება შეხვედრა, აუცილებლად ამის შესახებ შეგატყობინებთ. შემდეგი ნაბიჯების შესახებ ყველა გაიგებს,“ - აღნიშნა მიხეილ ჯანელიძემ.
არჩილ გეგეშიძემ რამდენიმე დღის წინ ერთ-ერთ ინტერვიუში საქართველოს ხელისუფლებაში არსებულ პრორუსულ ძალებზე ისაუბრა, მანამდე კი მან სახელმწიფო დეპარტამენტს დაასწრო და ჯონ კერის საქართველოში ვიზიტი დააანონსა. საგარეო საქმეთა სამინისტრო, ამერიკაში საქართველოს ელჩისგან განმარტებებს ელოდება.
