დღეს პარტია ,,თავისუფალმა დემოკრატებმა“ პარტიის ახალი სიმბოლიკა მთავარი გზავნილი წარმოადგინეს, ახალი ლოგო ძველი ფერებით.
,,ლოგოს სიმბოლო არის გრიფონი, რომელიც სიბრძნის, გამჭრიახობის, ძლევამოსილებისა და ძალაუფლების გამაერთიანებელია. ,,თავისუფალი დემოკრატები“ სწორედ ასეთი ძლიერი ადამიანების გამაერთიანებელი პარტიაა. ადამიანების, რომლებიც არ უფრთხიან წინააღმდეგობებს, პირიქით ძლიერდებიან და უფრო მეტი შემართებით მიდიან დასახული მიზნისაკენ.
გრიფონი მითიური არსებაა, რომელიც აერთიანებს ფრინველთა და ცხოველთა მეფეებს - არწივსა და ლომს, არწივის სისწრაფესა და ლომის სიძლიერეს . გრიფონი ძლიერი, თავდაჯერებული არსებაა, ყოველთვის აღწევს მიზანს.
ჰერალდიკაში გრიფონი განასახიერებს სისწრაფეს, გამჭრიახობას, სიბრძნეს , ძლევამოსილებას და ძალაუფლებას. ბერძნულ მითოლოგიაში გრიფონი მზის სიმბოლოა, ქრისტიანულ სამყაროში კი აღდგომის სიმბოლოა, საქართველოში გრიფონს სამთავისის მე-10 საუკუნის ტაძრის ფასადზე ვხვდებით , თბილისის პირველი ოპერის წინაც გრიფონები იდგნენ.
,,თავისუფალი დემოკრატების“ მთავარი გზავნილია - უკეთესი ეკონომიკა უკეთესი ცხოვრება“, - აცხადებნ პატიაში.
