შეერთებული შტატების კოსმოსური კვლევის სააგენტო NASA-ს კოსმოსური ხომალდი „ჯუნო“ ხუთწლიანი მოგზაურობის შემდეგ გავიდა პლანეტა იუპიტერის ორბიტაზე. ,,რადიო ტავისუფლების“ ინფორმაციით, ამის შესახებ NASA-მ დღეს გაავრცელა ინფორმაცია.
„ჯუნომ“ 2,7 მილიარდ კილომეტრზე მეტი დაფარა დედამიწიდან აფრენის შემდეგ, ვიდრე დანიშნულების ადგილს, მზის სისტემის უდიდესი პლანეტის ორბიტას მიაღწევდა. მის დავალებებს შორის არის იუპიტერის ბირთვისა და მაგნიტური ველის გამოკვლევა, აგრეთვე წყლის მოლეკულების მოძებნა იუპიტერის ატმოსფეროში. NASA მოელის, რომ „ჯუნო“ 27 აგვისტოს გაავრცელებს იუპიტერისთვის ახლო მანძილიდან გადაღებულ პირველ სურათებს.
