"პანორამა თბილისის" ლანდშაფტის ზონაში მშენებლობის წინააღმდეგ არასამთავრობო ორგანიზაციები სასამართლოს მიმართავენ.
გარემოს დაცვისა და კულტურული მემკვიდრეობის, ასევე ადამიანის უფლებების დაცვის სფეროში მოღვაწე რამდენიმე არასამთავრობო ორგანიზაციამ დღეს საქალაქო სასამართლოში სარჩელი შეიტანა, რის შემდეგაც პრესკონფერენცია გამართეს. არასამთავრობოები გეგმის იმ ნაწილების გაუქმებას ითხოვენ, რომლებიც მათი თქმით, კულტურული მემკვიდრეობის დაცვის ზოგადი ზონის უგულვებელყოფის შედეგად თბილისის ისტორიული ლანდშაფტის ტერიტორიაზე კანონით აკრძალულ, მასიურ განაშენიანებას უშვებს. საუბარია ბიზნეს კომპლექს "პანორამა თბილისზე".
სარჩელის არგუმენტები ეფუძნება ორგანიზაციის "ინიციატივა საჯარო სივრცისთვის" მიერ განხორციელებულ სამართლებრივ კვლევას.
სარჩელს ხელს აწერენ: ინიციატივა საჯარო სივრცისთვის
EMC
მწვანე ალტერნატივა
აღმოსავლეთ პარტნიორობის ხელოვნებისა და კულტურის საბჭო
საქართველოს ახალგაზრდა მწვანეები
პარტიზანული მებაღეობა თბილისი
თბილისის ჰამქარი
მწვანე მუშტი
