მიუხედავად რუსული დელეგაციის მხრიდან მოსალოდნელი სიურპრიზებისა, ყველაფერი გაკეთდება ჩვენი რეზოლუციის გასატანად, - ამის შესახებ თედო ჯაფარიძემ საქართველოს დელეგაციის მიერ ეუთო-ს საპარლამენტო ასამბლეისთვის წარდგენილ რეზოლუციის პროექტზე საუბრისას განაცხადა.
მისი თქმით, პირველ რიგში, ის ეხება 2008 წლის ომს, ოკუპირებულ ტერიტორიებს, იძულებით გადაადგილებულ პირებს, მკვლელობებს, გატაცებებს და ასე შემდეგ.
,,ჩვენ ვხვდებით დელეგაციებს და კულუარული ინფორმაციით ვიცი, რომ დელეგატთა უმრავლესობა ჩვენს რეზოლუციას მხარს უჭერს. რეზოლუციის პროექტში შეტანილია მხოლოდ სამი შესწორება - ისიც სტილისტური ან უმნიშვნელო პოლიტიკური ხასიათის. დაველოდოთ, როგორ გაიმართება დებატები. ჩვენი რუსი კოლეგები სიურპრიზების მომზადებაში გაწაფული არიან, რაც კიდეც შემოგვითვალეს ამ რამდენიმე ხნის წინ. ქართული დელეგაცია რეზოლუციის პროექტს ერთხმად დაუჭერს მხარს. ყველაფერს გავაკეთებთ იმისთვის, რომ ის გავიდეს“, - განუცხადა ჟურნალისტებს ჯაფარიძემ.
რაც შეეხება რუსი კოლეგების პოზიციას, რომ არ არსებობს ოკუპირებული ტერიტორიები, თედო ჯაფარიძე ხუმრობით პასუხობს.
“დღეს კვირა დღეა და შეიძლება გარკვეული დოზით იუმორს მივმართოთ. გუშინ მშვენიერი საღამო იყო და ეტყობა მათ კარგად იქეიფეს და რაღაც ილუზიები გაუჩნდათ ან პირიქით, თავი სტკივათ. დიდი ხანია ამ პროცესში ვარ ჩართული და ეს ყველაფერი არახალია - ამგვარი არგუმენტები რუსეთის დელეგაციის წევრების მხრიდან არაერთხელ გვაქვს მოსმენილი” - აღნიშნა ჯაფარიძემ.
რეზოლუციის პროექტის პოლიტიკის საკითხთა კომიტეტის დღევანდელ სხდომაზე განხილვა ვერ ესწრება და მას კომიტეტი ხვალ განიხილავს,
