საქართველოს ყოფილი პრეზიდენტი, მიხეილ სააკაშვილი, დღევანდელ მთავრობას ქვეყნის საერთაშორისო იმიჯის შელახვასა და „საქართველოს ძირის გამომთხრელ“ მოქმედებებში ადანაშაულებს. ოდესის გუბერნატორი "კურიერის" პირდაპირ ეთერში საუბრობს ამბობს, რომ მთავრობამ „მტრის შეკვეთა“ შეასრულა.
„იქ, სადაც საქმე ეხება საქართველოს ფუნდამენტური ინტერესებისთვის ზიანის მიყენებას, ესენი არიან ერთ-ერთი ყველაზე ნიჭიერი ჯგუფი საქართველოს ისტორიაში. ესენი ძალიან გაწაფულები არიან ჩვენი ქვეყნის ფუნდამენტური უსაფრთხოების დარღვევაში,“ - განაცხადა მიხეილ სააკაშვილმა.
საქართველოს ყოფილი პრეზიდენტი 2008 წლის ომის შესახებაც საუბრობს და აცხადებს, რომ „დღევანდელი მთავრობა და კერძოდ, იუსტიციის მინისტრი დადიოდა ყველა საერთაშორისო ორგანიზაციაში და პირადად მოუწოდებდა, ემხილებინათ ქართული მხარე და გამოეძიათ ქართული მხარის მიერ ჩადენილი სამხედრო დანაშაულებები,“ - განაცხადა მიხეილ სააკაშვილმა.
