კანდელაკის ქუჩაზე წუხელ მომხდარ მკვლელობაში ბრალდებული პირი დაკავებულია. ამის შესახებ ინფორმაცია კურიერს შსს-მ დაუდასტურა.
კანდელაკის ქუჩაზე 30 წლის მამაკაცს მისსავე საცხოვრებლის სადარბაზოში ესროლეს.
რუსთავი 2-ის ინფორმაციით, ადგილზე საგამოძიებო მოქმედებები ისევ მიმდინარეობს. საგამოძიებო მოქმედება უტარდება ნისანის მარკის ავტომობილსაც, რომელითაც, მოკლულის ოჯახის წევრების თქმით, სავარაუდოდ გადაადგილდებოდა მკვლელობაში ბრალდებული. მათივე ინფორმაციით, ბრალდებულს ეს მანქანა ნაქირავები ჰყავდა.
ამასთან, როგორც მოკლულის ერთ-ერთი ნათესავი ამბობს, მანქანაში ნაპოვნია მანქანის ქირავნობის ხელშეკრულება და დამქირავებელს ბექა ჰქვია.
რაც შეეხება გასროლას, ოჯახის წევრების თქმით, გასროლა გადაჭრილი სანადირო თოფით მოხდა, რომელიც მოგვიანებით საგამოძიებო ჯგუფმა ერთ-ერთი ავტოფარეხის სახურავზე იპოვა.
მკვლელობის მოტივი ამ დროისთვის უცნობია.
გამოძიება განზრახ მკვლელობისა და იარაღის უკანონოდ შეძენა-ტარებისთვის მიმდინარეობს
