მაქსიმუმს ვაკეთებთ გერმანიაც და ევროკავშირიც, რომ მაქსიმალურად სწრაფად დადგეს საქართველოს ვიზალიბერალიზაციის პროცესის დასასრული, - ამის შესახებ გერმანიის საგარეო საქმეთა მინისტრმა ფრანკ-ვალტერ შტაინმაიერმა საქართველოს საგარეო საქმეთა მინისტრს მიხეილ ჯანელიძესთან ერთად გამართულ ბრიფინგზე განაცხადა.
მისი თქმით, საქართველოს ვიზალიბერალიზაციის საკითხი მხოლოდ გერმანიაზე არ არის დამოკიდებული.
"მაქსიმუმს ვაკეთებთ გერმანიაც და ევროკავშირიც, რომ მაქსიმალურად სწრაფად დადგეს ვიზალიბერალიზაციის პროცესის დასასრული. ეს მხოლოდ გერმანიაზე არ არის დამოკიდებული და დაკავშირებულია გარკვეულ პროცედურებთან. იმედი მაქვს, რომ ეს პროცედურები დასრულდება ივლისის ბოლოს, ხოლო ვიზლიბერალიზაციის ლოგიკურ დასასრულს უნდა ველოდეთ სექტემბრის მეორე ნახევარში“, - განაცხადა შტაინმაიერმა.
