„ქართული ოცნება-დემოკრატიული საქართველო“ შიდაპარტიული კვლევის შედეგების ნაწილს ასაჯაროებს. გამოკითხვა პარტიის დაკვეთით საკვლევ-საკონსულტაციო ცენტრმა ჩაატარა.
კითხვაზე თქვენი არჩევანის მიუხედავად, როგორ ფიქრობთ, რომელი პარტია მიიღებს ყველაზე მეტ ადგილს საპარლამენტო არჩევნებში, ყველაზე მაღალი 65% "ქართულ ოცნებამ" მიიღო. სხვა პროცენტული მაჩვენებლები უცნობია, როგორც დღეს ქართული ოცნების აღმასრულებელმა მდივანმა ირაკლი კობახიძემ განაცხადა პარტია სხვა პარტიების შედეგებს " ჯენტლმენური მოსაზრებებიდან გამომდინარე" არ აქვეყნებს.
პარტიის ცნობით, კვლევის ფარგლებში გამოკითხულია 1 500 ადამიანი. კვლევა ჩატარდა 18-25 ივნისის პერიოდში.
