პარტია "თავისუფალ დემოკრატებს"კიდევ ორი ახალი წევრი ჰყავს. პარტიის რიგებს თეიმურაზ გაფრინდაშვილი და მალზახ ბაბლიძე შეუერთდა. ახალი წევრები საზოგადოებას "თავისუფალი დემოკრატების" ლიდერმა ირაკლი ალასანიამ წარუდგინა და მათ ‘’თავისუფალი დემოკრატების’’ მანდატი გადასცა. თეიმურაზ გაფრინდაშვილი ჭიათურის რაიონის ‘’თავისუფალი დემოკრატების’’ წარმომადგენელი იქნება და ადგილობრივ ორგანიზაციებს უხელმძღვანელებს. გაფრინდაშვილი ეწევა ბიზნეს და სამეწარმეო საქმიანობას. ხელმძღვანელობს რამოდენიმე კომპანიას. იგი მუშაობდა ინჟინერ-ეკონომისტად ჭიათურის ავტოსატრანსპორტო გაერთიანებაში. თეიმურაზ გაფრინდაშვილი გახლდათ სატვირთო ავტოსატრანსპორტო საწარმოს საგეგმო განყოფლების უფროსი და ქალაქის ცენტრალური ავტოსადგურის დირექტორი. გაფრინდაშვილი 2006-2014 წლებში იყო ჭიათურის მუნიციპალიტეტის საკრებულოს წევრი წირქვალის საარჩევნო ოლქიდან. საკრებულოს წევრობისას კი ინფრასტრუქტურის კომისიის ხელმძღვანელი. რაც შეეხება მალხაზ ბაბლიძეს იგი ზესტაფონის რაიონის ‘’თავისუფალი დემოკრატების’’ გუნდს უხელმძღვანელებს. ბაბლიძე გახლავთ შპს ‘’ინსატურბოჯორჯიას’’-ს საგარეო ურთიერთობათა მენეჯერი. იგი გახლდათ ქ. ზესტაფონის ვიცე მერი, ახალგაზრდული დეპარტამენტის თავმჯდომარე და რამოდენიმე შპს-ს დირექტორი. 
,,პარტია "თავისუფალ დემოკრატებს"კიდევ ორი ახალი წევრი გვყავს. ჩვენი პარტიის რიგებს თეიმურაზ გაფრინდაშვილი და მალზახ ბაბლიძე უერთდებიან, რომლებიც ჭიათურის და ზესტაფონის რაიონული ორგანიზაციების ხელმძღვანელის პოზიციებს დაიკავებენ. მნიშვნელოვნად მიგვაჩნია, რომ ეს თეიმურაზი და მალხაზი არიან ჩართული ბიზნესის სფეროში, მათი ხელმღვანელობით არაერთ კომპანიაში დასაქმებულია ათეულობით ადამიანი. მათ კარგად იციან რომ დღეს განსაკუთრებით საქართველოს რეგიონებში პრიორიტეტული არის სწორედ მეტი სამუშაო ადგილის შექმნა. მათ კარგად იციან რას ნიშნავს თავისუფალი ბიზნესი, როგორი კომუნიკაცია უნდა ჰქონდეს სახელმწიფოს ბიზნესთან და ამ სფეროში დასაქმებულ ადამიანებთან. ბიზნესის ტერორი განსაკუთრებით კარგად აქვს საკუთარ თავზე გამოცდილი მალხაზ ბაბლიძეს, რომელიც სააკაშვილის ხელისუფლების პერიოდში ,,მაგნატის“ მეპატრონე, ხელისუფლებისგან უდიდეს ზეწოლას და წნეხს განიცდიდა. 
დღეს ჩვენი ამოცანაა ხელი შევუწყოთ სწორედ ასეთ ბიზნესმენებს, მათ შეძლონ მეტი სამუშაო ადგილის შექმნა უკეთესი ეკონომიკის და უკეთესი ცხოვრების მოტანა ყოველი ქართველის ოჯახში. ეს განსაკუთრებით სჭირდება დღეს ჩვენს რეგიონებს“, - განაცხადა ირაკლი ალასანიამ.