”ქართული ოცნება - დემოკრატიული საქართველოს” აღმასრულებელი მდივანი ირაკლი კობახიძე მიიჩნევს, რომ მისი პარტია არჩევნების შედეგად, პარლამენტრში იმაზე მეტ მანდატს აიღებს, ვიდრე დანარჩენი პარტიები ერთად აღებული.
შიდა კვლევის შედეგების შეაფასებისას მან ასევე განაცხადა, რომ კვლევის შედეგები არის რეალური.
,,ჩვენ გვაქვს იმაზე მეტი პროცენტული მხარდაჭერა, ვიდრე ყველა სხვა დანარჩენ პარტიას ერთად და სწორედ ეს გვაძლევს იმის თქმის საშუალებას, რომ შევძლებთ ოქტომბრის არჩევნებში ხმათა აბსოლუტური უმრავლესობის მოპოვებას ანუ 50 %-ზე მეტის მიღებას”, - განაცხადა კობახიძემ.
მისივე თქმით, საგარეჯოს არჩევნებთან დაკავშირებით ჩატარებული შიდა კვლევის შედეგებით, ,,ქართული ოცნება“ 2,5-ჯერ უსწრებდა ”ნაციონალურ მოძრაობას”.
,,დაახლოებით იგივე და შეიძლება ოდნავ მაღალი შედეგიც კი დაიდება ოქტომბრის არჩევნებზე. ჩვენი ამბიცია არის კიდევ უფრო მეტი. გავაკეთებთ ყველაფერს იმისთვის, რომ გავზარდოთ მოსახლეობის მხარდაჭერა... ჩვენ აუცილებლად ძალიან დიდი უპირატესობით მოვუგებთ მეორე ადგილზე გასულ პარტიას”, - აღნიშნა კობახიძემ.
შეგახსენებთ, „ქართული ოცნების“ მიერ ჩატარებული შიდა სოციოლოგიური კვლევებით „ნაციონალური მოძრაობის“ რეიტინგი 13%-მდეა, „ქართული ოცნების“ კი 35%-ს შეადგენს.