"ნაციონალური მოძრაობის" ლიდერმა, დავით ბაქრაძემ საჩხერეში მაჟორიტარობის კანდიდატად ზურაბ ცერცვაძე წარადგინა.
როგორც ბაქრაძემ მოსახლეობასთან შეხვედრაზე განაცხადა, საჩხერეში დღევანდელი დღის ორგანიზება შედარებით რთული იყო, თუმცა იმ ადამიანებმა, რომლებსაც არაფრის ეშინიათ, დღეს შეხვედრაზე მისვლა შეძლეს.
"დღეს ბევრს გონია, რომ საჩხერეში ყველაფერი კარგადაა, მაგრამ ასე არ არის. საჩხერლების უმეტესობა დღეს თბილისშია სამუშაოდ ჩამოსული. მათ უჭირთ, ისე როგორც მთელს საქართველოს. ეს ყველაფერი იმიტომ, რომ ეკონომიკა გაჩერდა. ჩვენ უნდა დავიწყოთ ქვეყნის შენება და ამას ჭირდება თქვენი მხარდაჭერა. ჩვენ დღეს საჩხერეში წარვადგენთ კანდიდატს, რომელიც არის ქვეყნის და რაიონის პატრიოტი, რომელიც საჩხერისთვის ბევრ საქმეს გააკეთებს", - განაცხადა დავით ბაქრაძემ
