ანაკლიის პოლიციის უფროსმა დღეს მომხდარი ავარიის გამო, საკუთარი განცხადების საფუძველზე, დაკავებული თანამდებობა დატოვა. პაპუნა დიდიშვილი ავტომანქანით 22 წლის სალომე აქირთავას დაეჯახა.
საქმეს პროკურატურა სისხლის სამართლის კოდექსის 276-ე მუხლის პირველი ნაწილით იძიებს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის ნაკლებად მძიმე დაზიანება.
ექიმების განცხადებით, სალომე აქირთავას მრავლობითი მოტეხილობები და სხვადასხვა სახის დაზიანებები აღენიშნებოდა. მისი მდგომარეობა სტაბილურად მძიმეა. ზუგდიდის საავადმყოფოდან ის ქუთაისის საავადმყოფოში გადაიყვანეს.
შსს-ს ინფორმაციით, პაპუნა დიდიშვილმა თანამდებობა გამოძიების დასრულებამდე დატოვა.
