საზოგადოებრივ მაუწყებელში პრესცენტრი გაიხსნა, რომელიც წინასაარჩევნო პერიოდში პოლიტიკურ პარტიებს დაეთმობათ.

პოლიტიკური პარტიებისთვის პერსცენტრის პრეზენტაციას დღეს 17:00 საათზე ახალი და მიმდინარე ამბების ბლოკის დირექტორი გიორგი გვიმრაძე გამართავს.

პრესცენტრი მუშაობას 20 ივნისიდან დაიწყებს. პრესკონფერენციის ჩატარების მსურველ ყველა პოლიტიკურ პარტიას შეუძლია გაირაოს რეგისტრაცია არაუგვიანეს –2 სამუშაო დღით ადრე და დანიშნოს პრესკონფერენცია. რეგისტრაციის გასავლელად პოლიტიკურმა სუბიექტებმა უნდა მოგვწერონ მეილზე presscenter@gpb.ge

თითოეულ პოლიტიკურ სუბიექტს პრესცენტრში დაეთმობა 20 წუთი, აქედან 10–საეთეროდ ჩაიწერება,  5 წუთი–ჟურნალისტებისთვის დარჩენილ საინტერესო კითხვებზე პასუხის გასაცემად და 5 წუთი სტუდიის დასატოვებლად, რათა დარჩენილ 10 წუთში მომზადდეს სტუდია ახალი შეხვედრისთვის. დარეგისტრირების დროს ზუსტად უნდა იყოს მითითებული პოლიტიკური გაერთიანების სახელწოდება, ბრიფინგის ჩამტარებელი პირის ან პირების სახელი, გვარი, რეგალია და საკონტაქტო ინფორმაცია.

პრესცენტრში ჩატარებული ბრიფინგების გრაფიკი ასე გაიწერება:

1) პირველი ბლოკი – 11 სთ.–ზე. 11.30.–ზე . 12სთ. , 12.30–ზე.  ეთერში გადის 14 სთ.–დან 15 სთ.–მდე ,,ბრიფინგის დროში“

2) მეორე ბლოკი– 13.00 სთ.–ზე. 13.30–ზე, 14.00.–ზე. 14.30.-ზე   გაშუქდება ,,მეორე არხის“  ,,ბრიფინგის დროში“