ექს-პრემიერი ბიძინა ივანიშვილი მიიჩნევს, რომ კოალიციური მთავრობა საქართველოსთვის პრობლემა იქნება. თუმცა, მისი თქმით, ეს დემოკრატიისთვის კარგია და ამას ევროპელები და ამერიკელები მიესალმებიან.
,,ჩვენ გვქონდა კოალიციური მთავრობა და ჩემი პიროვნება აბალანსებდა სიტუაციას, მაგრამ ახალ პირობებში და ახალ არჩევნებზე თუ 80 ხმაზე ნაკლებს მიიღებს "ქართული ოცნება" ეკონომიკური რეფორმების გატარება გაძნელდება. თუ ისევ შედგა კოალიციური მთავრობა, ძალიან ბევრ ახალ პრობლემას მივიღებთ. ასეთი მთავრობები ძირითადად რესურსების განაწილებაში არიან სათავისოდ და სერიოზული რეფორმები რჩება უყურადღებოდ, თუმცა, მე კოალიციური მთავრობის წინააღმდეგი არ ვარ. მაგრამ, ასეთი ეკონომიკის და მცირე დაფინანსების პირობებში როგორშიც ჩვენ ვართ, ძალიან რთული იქნება და შეუშლის ხელს საქართველოს სწორი მიმართულებით განვითარებას”, - განახცადა ივანიშვილმა.
მისივე თქმით, ”ნაციონალები” 5 კაცით საოცრებას ვეღარ მოახდენენ, ,,მაგრამ კოალიციური მთავრობა ასეთი ეკონომიკურ პირობებში იქნება ძალიან რთული, რადგან პრემიერს და სჭირდება ძლიერი გუნდი.
