ყოფილი პრემიერ-მინისტრი ბიძინა ივანიშვილი „ქართული ოცნების“ მხრიდან პარლამენტის თავმჯდომარეობის კანდიდატზე საუბარს ნაადრევად მიიჩნევს.
ჟურნალისტებთან შეხვედრისას მან განაცხადა, რომ ჯერ უნდა დასახელდნენ მაჟორიტარობის კანიდატები, შემდეგ უნდა დამტკიცდეს საარჩევნო სია.
ამდენად, ბიძინა ივანიშვილის განმარტებით, პარლამენტის თავმჯდომარეობის კანდიდატის საკითხის დასმა ნაადრევია.
მედიაში გავრცელებული ინფორმაციით, „ქართული ოცნების“ პარლამენტის თავმჯდომარეობის კანდიდატი მოქმედი პრემიერ-მინისტრი იქნება. გავრცელებული ინფორმაცია დღეს, გიორგი კვირიკაშვილმა არ დაადასტურა და განაცხადა, რომ ის აპირებს თანამდებობაზე დარჩენას.
