საქართველოს პრეზიდენტის საგარეო ურთიერთობათა მდივანი თენგიზ ფხალაძე აღმოსავლეთ პარტნიორობის სამოქალაქო საზოგადოების ფორუმის წარმომადგენლებს შეხვდა.
თენგიზ ფხალაძემ არასამთავრობოებს 5-9 ივნისს, საქართველოს პრეზიდენტის სტრასბურგსა და ბრიუსელში ვიზიტის შესახებ ინფორმაცია მიაწოდა.
მხარეებმა საქართველოს ევროინტეგრაციის და ვიზალიბერალიზაციის პროცესზე იმსჯელეს.
პრეზიდენტის საგარეო ურთიერთობათა მდივანმა არასამთავრობო ორგანიზაციების წარმომადგენლების მოსაზრებები მოისმინა.
“მნიშვნელოვანია ამ საკითხებთან დაკავშირებით, სამოქალაქო საზოგადოების ჩართულობა, მათი ხედვა, მათი რეკომენდაციები და ძალიან მნიშვნელოვანია შეჯერებული ქმედება სწორედ იმ დროს, როდესაც აქტუალური ნაბიჯებია გადასადგმელი საქართველოს ევროპული ინტეგრაციის კუთხით”, - განაცხადა თენგიზ ფხალაძემ.
ფხალაძის განცხადებით, მსგავსი ტიპის შეხვედრები მომავალშიც გაგრძელდება.
„ჩვენ ყველა მნიშვნელოვან საკითხზე გვექნება კონსულტაციები თემატურ ჯგუფებთან და საზოგადოება აქტიურად იქნება ჩართული ამ პროცესში”, - აღნიშნა ფხალაძემ.
