”ქართული ოცნების” დეპუტატობის კანდიდატების დასახელება უახლოეს მომავალში მოხდება, ამის შესახებ უმრავლსობის წევრი ნუკრი ქანთარია აცხადებს. მისი თქმით, კანდიდატების შერჩევის პროცესი ფინალისკენ მიდის.
”დარჩენილია პარლამენტის ერთი სასესიო კვირა. ეს დასრულდება და თვის ბოლოდან ყველა თავის სამუშაოს შეუდგება. ვფიქრობ, რომ ეს თვის ბოლოს უნდა მოხდეს”, - განაცხადა ქანთარიამ ჟურნალისტებთან შეხვედრისას, თუმცა ვერ დააკონკრეტა თავად იქნება თუ არა სიაში.
