რუსთავი 2-ის საქმესთან დაკავშრებით განცხადება გაკეთდა პრეზიდენტის ადმინისტრაციაში. პრეზიდენტის პრესსპიკერის, ეკა მიშველაძის განცხადებით, აღნიშნულმა საქმემ ბრიუსელსა და სტრასბურგში, სადაც საქართველოს პრეზიდენტი ამჟამად ვიზიტად იმყოფება, დიდი ინტერესი გამოიწვია.
მიშველაძის თქმით, პრეზიდენტი ფიქრობს, რომ არსებობს უამრავი კითხვის ნიშანი, როგორც ქვეყნის შიგნით, ისე გარეთ.
"პრეზიდენტის აზრით, ეს პროცესი პირველი დღიდან იყო პოლიტიზირებული,თუნდაც იმ ვითარებაში ხელისუფლების ცალკეული წარმომადგენლების მხრიდან კეთდებოდა პოლიტიკური განცხადებები, რაც კიდევ უფრო აძლიერებს ეჭვებს", - განაცხადა მიშველაძემ.
პრეზიდენგის პრესსპიკერმა დღევანდელ ბრიფინგზე წინასაარჩევნო პერიოდში თავისუფალი მედიის მნიშვნელობას , ასევე საკუთრების უფლების დაცვას გაუსვა ხაზი.
