რუსეთის დუმის დეპუტატი ლიბერალურ-დემოკრატიული ფრაქციის წევრი ვიტალი ზოლოჩევსკი რუსეთის საგარე საქმეთა მინისტრს სერგეი ლავროვს წინადადებით მიმართავს განიხილოს საკითხი საქართველოსთან დიპლომატიური ურთიერთობის აღდგენის შესახებ. როგორც დეპუტატმა აღნიშნა, 2008 წლის ტრაგიკული მოვლემებიდან საკმარისი დრო გავიდა და საქართველოს ხელისუფლებაში სრულიად სხვა ადამიანები მოვიდნენ.
„ამან გამოიწვია სატრანსპორტო მიმისვლის აღდგენა, ასევე ტვირთბრუნვის ზრდა. საქართველოს ევროინტეგრაციის საკითხებთან პრობლემების ფონზე, მოსკოვს შეუძლია გააკეთოს ჟესტი თბილისის მიმართულებით და ორმხრივი დიპლომატიური ურთიერთობების აღდგენის შემდეგ, არ არის გამორიცხული, რომ საქართველოს ხელისუფლება საკუთარ ყურადღებას მიაპყრობს ევრაზიული ინტეგრაციის პერპეტქივებს“, - ამბობს დეპუტატი.
ზოლოჩევსკიმ ამბობს, რომ საქართველო თავად არის დაინტერესებული რუსეთთან კეთილმეზობლური ურთიერთობების აღდგენაში. „მით უფრო, იმ პირობებში, როდესაც ქვეყანა ცდილობს მოელაპარაკოს ევროკავშირს უვიზო მიმოსვლაზე. რუსი ტურისტები დიდი კმაყოფილებით ჩადიან ბათუმში და სხვა საკურორტო ზონებში“.
მისივე თქმით, საქართველოსთვის ევროკავშირთან უვიზო მიმოსვლაზე მნიშვნელოვანი რუსეთთან უვიზო მიმოსვლაა, რადგან რუსეთში, ამჟამად მილიონამდე ქართველი ცხოვრობს.
