ევროპის პარლამენტის პრეზიდენტმა მარტინ შულცმა საქართველოს პრეზიდენტ გიორგი მარგველაშვილთან შეხვედრაზე განაცხადა, რომ საქართველოს ვიზალიბერალიზაციის საკითხთან დაკავშირებით ევროპარლამენტში ერთიანობაა.
შულცის მიერ გაკეთებული განცხადებების შესახებ ჟურნალისტებს ინფორმაცია ევროინტეგრაციის საკითხებში საქართველოს სახელმწიფო მინისტრმა დავით ბაქრაძემ მიაწოდა.
როგორც ბაქრაძემ განაცხადა, მარტინ შულცმა შეხვედრაზე აღნიშნა, რომ საქართველოს ვიზალიბერალიზაციის საკითხთან დაკავშირებით ევროპარლამენტში ერთიანობაა და ბოლოდროინდელი ვიზიტების დროს გამართულ შეხვედრებზე განხილვების შედეგად ევროპარლამენტი და მისი კომიტეტები შეეცდებიან დააჩქარონ ეს პროცესი, რათა პროცედურები სწრაფად დასრულდეს.
