“ქართული ოცნება-დემოკრატიული საქართველოს” პრესსამსახურის განცხადებას ავრცელებს, რომლის მიხედვითაც, "ერთ-ერთი მედიასაშუალების მიერ დღეს გამოქვეყნებულ ე.წ. კვლევის შედეგებს, არანაირი კავშირი არა აქვს არც „ქართულ ოცნებასთან” და არც რეალობასთან".

დღეს ერთ-ერთი მედიასაშუალებამ გამოაქვეყნა ე.წ. კვლევის შედეგები, რომელიც თითქოს “ქართულმა ოცნებამ” პირველ ივნისს ჩაატარა. ვაცხადებთ, რომ მედიაში გამოქვეყნებულ ამ კვლევას არანაირი კავშირი არა აქვს არც „ქართულ ოცნებასთან” და არც რეალობასთან. სამწუხაროდ ამავე სააგენტომ აქამდეც გაავრცელდა მსგავსი ტიპის ე.წ კვლევა. ეს არის მარტივი მანიპულაცია და პოლიტიკაში ჩვენი კონკრეტული ოპონენტი ხშირად მიმართავს ამ მეთოდებს. “ქართული ოცნება” კვლევებს რეგულარულად ატარებს. არჩევნებამდე დაგეგმილია სავარაუდოდ კიდევ ორი კვლევის ჩატარება. შედეგებს კი საზოგადოება არჩევნების დასრულების შემდეგ იხილავს, როდესაც “ქართული ოცნება-დემოკრატიული საქართველო” გამარჯვებას მოიპოვებს",-ნათქვამია განცხადებაში. 

შეგახსენებთ, სააგენტო ”ჯი-ეიჩ-ენმა დღეს გაავრცელა შემდეგიო ინფორმაცია: 

„ქართული ოცნების“  მორიგი „შიდა კვლევა“ პარტიისთვის კვლავ არასახარბიელოდ და ნაციონალური მოძრაობისთვის სასარგებლოდ დასრულდა.

„ჯი-ეიჩ-ენის“ მიერ ექსკლუზიურად მოპოვებული კვლევის მიზანს წარმოადგენდა, „ქართულ ოცნებას“ გაერკვია მოსახლეობის განწყობა, სახელმწიფოებრივად მნიშვნელოვანი საკითხების გადაწყვეტაში, რომელი პოლიტიკური პარტიები იმსახურებენ ნდობას.

სულ გამოკითხვის ანკეტაში შეტანილი იყო 13 სახელმწიფოებრივად მნიშვნელოვანი საკითხი, რომელთაგან მხოლოდ 4 საკითხის გადაწყვეტას ანდობენ „ოცნებას“ რესპოდენტები.

9 სახელმწიფოებრივი მნიშვნელობის საკითხის გადაწყვეტას რესპოდენტების უმეტესობა ნაციონალურ მოძრაობას ანდობს.

უნდა აღინიშნოს, რომ 13-დან 2 საკითხის შემთხვევაში ქართული ოცნებისა და ნაციონალური მოძრაობის ნდობა თითქმის თანაბარია.

ქართული ოცნების კვლევაში შეყვანილია შემდეგი პარტიები: ქართული ოცნება, ნაციონალური მოძრაობა, ალასანია-თავისუფალი დემოკრატები, რესპუბლიკური პარტია, პატრიოტთა ალიანსი-მრეწველები, ბურჯანაძე-ეროვნული ფორუმი, ლეიბორისტული პარტია, გირჩი, ბურჭულაძე - სახელმწიფო ხალხისთვის.

რესპოდენტებისთვის დასმული კითხვა შემდეგი სახით იყო ფორმულირებული -  „რომელი პოლიტიკური პარტია მიგაჩნიათ კომპეტენტურად შემდეგ საკითხში“ პასუხები შემდეგი სახით განაწილდა (გავაზობთ პირველ ოთხ პოზიციას):

კონსტიტუცია და სახელმწიფო მოწყობა: ქართული ოცნება - 12%; ნაციონალური მოძრაობა - 9%; რესპუბლიკური პარტია - 8%; ალასანია-თავისუფალი დემოკრატები - 6%

იუსტიცია და მართლმსაჯულება: ნაციონალური მოძრაობა - 18%; ქართული ოცნება - 10%; რესპუბლიკური პარტია - 7%; ალასანია-თავისუფალი დემოკრატები - 6%

საზოგადოებრივი წესრიგი და პოლიცია:  ნაციონალური მოძრაობა - 22%; ალასანია-თავისუფალი დემოკრატები - 7% ქართული ოცნება 5%; რესპუბლიკური პარტია - 4%;

თავდაცვა და უსაფრთხოება: ნაციონალური მოძრაობა -25%; ალასანია-თავისუფალი დემოკრატები - 10% რესპუბლიკური პარტია - 9%; ქართული ოცნება 7%;

საგარეო პოლიტიკა: ნაციონალური მოძრაობა -32%; ქართული ოცნება 15%; პატრიოტთა ალიანსი - მრეწველები -13%; ალასანია-თავისუფალი დემოკრატები და ბურჯანაძე- ეროვნული ფორუმი -12-12%;  

ფინანსური პოლიტიკა: ნაციონალური მოძრაობა - 11%, ქართული ოცნება -3%, ალასანია-თავისუფალი დემოკრატები -1%; გირჩი-1%;

ეკონომიკური პოლიტიკა: ნაციონალური მოძრაობა - 22%; ქართული ოცნება -7%, ალასანია-თავისუფალი დემოკრატები -6%; გირჩი-4%;

სოციალური პოლიტიკა: ქართული ოცნება -24%; ნაციონალური მოძრაობა - 23%; ლეობორისტული პარტია - 11%; ბურჯანაძე- ეროვნული ფორუმი - 5%;

დასაქმება - ნაციონალური მოძრაობა -11%; ქართული ოცნება - 6%; ლეობორისტული პარტია და გირჩი - 2-2%; ალასანია - თავისუფალი დემოკრატები და ბურჭულაძე- სახელმწიფო ხალხისთვის 1-1%;

სოფლის მეურნეობა და გარემოს დაცვა - ქართული ოცნება -25%; ნაციონალური მოძრაობა - 15%; რესპუბლიკური პარტია -6%, ალასანია - თავისუფალი დემოკრატები და ლეიბორისტული პარტია 2-2%;

მეცნიერება და განათლება-  ნაციონალური მოძრაობა -14%; ქართული ოცნება - 13%; ალასანია - თავისუფალი დემოკრატები -5%, რესპუბლიკური პარტია - 4%;

კულტურა და ძეგლთა დაცვა -  ნაციონალური მოძრაობა -17%; ქართული ოცნება - 11%; ბურჭულაძე- სახელმწიფო ხალხისთვის -4%; რესპუბლიკური პარტია - 3%;

შერიგებისა და კონფლიქტების რეგულირება - ქართული ოცნება - 17%; ნაციონალური მოძრაობა -13%, ალასანია - თავისუფალი დემოკრატები -11%; ბურჯანაძე- ეროვნული ფორუმი - 8%;

სატელეფონო კვლევა ჩატარებულია 1-ელ ივნისს თბილისის მასშტაბით.