საქართველოს პარლამენტის დღევანდელ, რიგგარეშე სხომაზე კვლავ გადაიდო უზენაესი სასამართლოს მოსამართლეობის კანდიდატების კენჭისყრის საკითხი.
პარლამენტის თავმჯდომარემ დავით უსუფაშვილმა განმარტა, რომ, აღნიშნულ საკითხზე უმრავლესობაში კონსულტაციები დასრულებული არ არის.
„იყო მსჯელობა პრეზიდეტის წარმომადგენელთან, ბატონ აბაშიშვილთან, თავად მოსამართლეობის კანდიდატებთან. ისინი კიდევ ერთხელ და საბოლოოდ გაგებით ეკიდებიან იმას, რომ მაღალი კვორუმის საჭიროების მქონე საკითხზე კონსულტაციები ჯერ კიდევ გრძელდება“,- განაცახდა დავით უსუფაშვილმა პარლამენტის სხდომაზე.
უზენაესი სასამართლოს მოსამართლეობის კანდიდატების დასამტკიცებლად დეპუტატთა 76 ხმაა საჭირო.
პრეზიდენტის მიერ უზანაესი სამსამრთლოს წევრებად წარდგენილი არიან ანა დოლიძე, თამარ ლალიაშვილი და ნონა თოდუა.
