საქართველოს პარლამენტმა „საკონსტიტუციო სასამართლოს შესახებ“ კანონთან დაკავშირებით პრეზიდენტის მოტვირებული შენიშვნები გაიზიარა. პარლამენტმა 84 ხმით დაუჭირა მხარი მოტივირებულ შენიშვნებს, წინააღმდეგი არავინ ყოფილა.
შესაბამსიად, პარლამენტს არ დაჭირდა ვეტოს დაძლევის პროცედურა.
პრეზიდნტს კანონპროექტი ხელმოსაწერად ხუთი დღის ვადაში გადაეგზავნება. პრეზიდენტს შვიდ დღიანი ვადა აქვს ცვლილებებზე ხელმოსაწერად.
პრეზიდენტის მიერ პარლამენტისთვის შეთავაზებული წინადადებები შეეხება საკონსტიტუციო სასამართლოს პლენუმის მიერ გადაწყვეტილების მიღების კვორუმს, მოსამართლეთათვის 10-წლიანი უფლებამოსილების ვადის ბოლომდე გამოყენებასა და პლენუმისათვის განსახილველად გადაცემული საკითხის განხილვაზე უარის თქმის შემთხვევას. გიორგი მარგველაშვილმა კანონპროექტს ვეტო 31 მაისს დაადო.
