,,მართლაც შევხვდი მურუსიძეს და ვთხოვე გათავისუფლებულიყო ,,ნაციონალური მოძრაობის“ წნეხიდან“, - ამის შესახებ ყოფილმა პრემიერ-მინისტრმა ბიძინა ივანიშვილმა საზოგადოებრივი მაუწყებლის გადაცემა „ინტერView”-ში განაცხადა.
მისივე თქმით, მურუსიძეზე აგორებული კამპანია „ნაციონალკური მოძრაობის“ მიერაა მართული, თუმცა, ივანიშვილის შეფასებით მან თავი დააღწია ამ ზეწოლას.
,,მართლაც შევხვდი მურუსიძეს და მურუსიძე იყო დანიშნული კუბლაშვილის სასამართლოში მეორე პირად, მდივნად დანიშნეს... მანამდე შევხვდი კუბლაშვილს და მასთანაც მქონდა საუბარი და თხოვნა, რომ როგორმე სასამართლო იყოს სამართლიანი, კანონებს მოუსმინონ და გათავისუფლდეს ძველი გუნდის ზეწოლისგან. და ახალი გუნდი არ იკადრებს და არც უკადრებია, ჩაერიოს სასამართლოს სისტემაში და მართლაც ეს დავიცავით... ვნახე, რომ კუბლაშვილი ვერ გამოდიოდა ამ გავლენისგან და მოვახერხე შეხვედრა მურუსიძესთან და ვთხოვე მას და გავუმეორე იგივე, რომ იქნებ, შენ ახალგაზრდა კაცი ხარ და როგორმე მოახერხო და გათავისუფლდე ძველი ხელისუფლების წნეხისგან. და გარანტიას გაძლევ, რომ ახალი ხელისუფლება არ შეგე... ჩაერევა და ასე შემდგომ», - განაცხადა ივანიშვილმა.
