კორცხელის ინციდენტზე კომენტარი გააკეთეს დიპლომატიური კორპუსის წარმომადგენლებმა. მათი შეფასებით, პოლიტიკური ძალადობა მიუღებელია და მნიშვნელოვანია, რომ მომხდარზე საქმე აღიძრა.
„რა თქმა უნდა, პოლიტიკური ძალადობა სრულიად მიუღებელია და როცა ეს ხდება, აუცილებლია პასუხისგებაც. მოხარული ვარ, რომ საქმე აღიძრა. მომავალში კი ვისურვებთ, რომ ვნახოთ დიალოგი ყველა პოლიტიკურ პარტიას შორის, რომლებიც მიუღებლად მიიჩნევენ ნებისმიერი სახის ძალადობას, განსაკუთრებით წინა საარჩევნო კამპანიაში," - აღნიშნა აშშ-ის საგანგებო და სრულუფლებიანმა ელჩმა საქართველოში, იან კელიმ
კორცხელის ინციდენტს ეხმაურება თურქეთის საგანგებო და სრულუფლებიანი ელჩი საქართველოშიც. ის მომხდარს სამწუხარო ფაქტს უწოდებს და აცხადებს, რომ მსგავსი შემთხვევები, განსაკუთრებით წინასაარჩევნო პერიოდში დაუშვებელია.
"ეს ძლიან სამწუხარო ინციდენტი იყო, განსაკუთრებით წინასაარჩევნოდ ასეთი რამ არ უნდა ხდებოდეს. მოხარული ვარ, რომ გამოძიება სწრაფად დაიწყო. იმედი გვაქვს, დამნაშავეები პასუხს აგებენ სასამართლოს წინაშე, რადგან ოქტომბრის არჩევნებამდე სწრაფი და ეფექტური ქმედებები ძალიან მნიშვნელოვანია. მჯერა, რომ მთავრობა და სასამართლო ყველაფერს გააკეთებს ამ მიმართულებით," - განაცხადა ზექი ლევენთ გუმრუქჩუმ.
