უშიშროების საბჭომ პრეზიდენტს მისცა რეკომენდაცია, პარლამენტს ცენტრალურ აფრიკაში კონტინგენტის მოცულობის ოცეულით გაზრდის საკითხი წარუდგინოს, - ამის შესახებ ეროვნული უშიშროების საბჭოს მდივანმა ირინა იმერლიშვილმა სხდომის დასრულების შემდეგ განაცხადა.
ეროვნული უშიშროების საბჭოს სხდომა ცოტა ხნის წინ დასრულდა. სხდომის შემდეგ, საბჭოს წევრებმა კომენტარები არ გააკეთეს. ჟურნალისტებთან მხოლოდ უშიშროების საბჭოს მდივანმა ისაუბრა. როგორც მან აღნიშნა, დღეს ცენტრალურ აფრიკაში 5 სამხედრო მოსამსახურე გვყავს და ლაპარაკია ოცეულზე.
ირინა იმერლიშვილი იმედოვნებს, რომ პარლამენტი პრეზიდენტისა და უშიშროების საბჭოს რეკომენდაციას გაიზიარებს.
