საქართველოს პარლამენტის რიგგარეშე სხდომები შესაძლოა, პარასკევსა და შაბათს გაიმართოს. მსჯელობა ამ საკითხზე ბიუროს დღევანდელ სხდომაზე შედგა. დეპუტატები სხდომის გამართვის აუცილებლობას დაგროვებული კანონპროექტებით ხსნიან.
საბოლოო გადაწყვეტილება ჯერ მიღებული არ არის, თუმცა, როგორც კანონმდებლები აღნიშნავენ, რიგგარეშე სხდომის მოწვევის თხოვნით პრეზიდენტს სავარაუდოდ, უახლოეს ხანში მიმართავენ.
