საქართველოს დამოუკიდებლობის აღდგენის 25 წლისთავთან დაკავშირებით, 26 მაისს ქალაქ სტამბოლში საქართველოს დროშის ფერებში გაანათეს ბოსფორის ხიდი, რომელიც 40 წუთის განმავლობაში წითელ და თეთრ ფერებში 7 სხვადასხვა ვარიაციაში ანათებდა.
ხიდის განათება ქ. სტამბოლში საქართველოს გენერალური საკონსულოს და ადგილობრივი მუნიციპალიტეტის ინიციატივით განხორციელდა. აღნიშნულ ცერემონიას ასევე ესწრებოდა თურქეთის რესპუბლიკაში საქართველოს ელჩი ირაკლი კოპლატაძე.
დამოუკიდებლობის დღის აღსანიშნავად ქ. სტამბოლში საქართველოს გენერალური საკონსულო 30 მაისს საზეიმო მიღებას გამართავს. რომელსაც დაესწრებიან თურქეთის მთავრობის წარმომადგენლები, ქართული დიასპორა და დიპლომატიური კორპუსი
ღონისძიების ფარგლებში გაიმართება ქართველი მხატვრის, გოგი ცაგერიშვილის ნახატების გამოფენა.