პრეზიდენტს, პრემიერსა და პარლამენტის თავმჯდომარეს შორის გამართული დახურული შეხვედრის შემდეგ, გიორგი მარგველაშვილმა, გიორგი კვირიკაშვილმა და დავით უსუფაშვილმა ”ქორთიარდ მარიოტი” უკომენტაროდ დატოვეს.
პრეზიდენტის მრჩეველი ფიქრია ჩიხრაძე კი ჟურნალისტებთან აცხადებს, რომ შეხვედრა წინასწარ დაგეგმილი არ იყო და არის რამდენიმე მნიშვნელოვანი საკითხი, რომელზეც, სასწრაფოდ მოთათბირება გახდა საჭირო.
„შეხვედრის დეტალებზე ინფორმაცია არ მაქვს, ვინაიდან ჯერ პრეზიდენტთან საუბარი არ მქონია. ეს შეხვედრა ახლა დამთავრდა. რადგან ერთ სივრცეში იმყოფებოდნენ პრეზიდენტი, პრემიერი და პარლამენტის თავმჯდომარე, ჩემი აზრით, არის რამდენიმე მნიშვნელოვანი საკითხი, რომელზეც შესაძლოა საჭირო გახდა სასწრაფო მოთათბირება. ეს არ იყო წინასწარ განზრახული შეხვედრა, რომელიმე ერთ საკითხზე მიძღვნილი“, - განაცხადა ფიქრია ჩიხრაძემ.
ქვეყნის პირველ პირს, მთავრობის მეთაურსა და საკანონმდებლო ორგანოს სპიკერ შორის შეხვედრა დაახლოებით ერთ საათს გაგრძელდა.
