დღეს, 27 მაისს, 11:00 სთ-დან 17:00 სთ-მდე საქართველოს თავდაცვის სამინისტრო ძველი იპოდრომის ტერიტორიაზე საქართველოს შეიარაღებული ძალების 25 წლის იუბილესთან დაკავშირებით ღონისძიებებს გამართავს.
გამოიფინება სამხედრო ჯავშანტექნიკა, გაიმართება სამთო, კიბერ და სამედიცინო სწავლებები, სხვადასხვა თამაშები, სამხედრო ორკესტრების შოუ, ასევე, ქართველი და ბრიტანელი სამხედრო მოსამსახურეების საპარაშუტე შოუ და სხვადასხვა სახის შემოქმედებითი წარმოდგენები.
