ყოფილი პრემიერ-მინისტრის ბიძინა ივანიშვილის განცხადებით, საქართველოში ყველა მედიასაშუალება არის თავისუფალი გარდა ,,რუსთავი 2“ -ის. მისი თქმით, ის ,,ნაციონალური მოძრაობის“ სააგიტაციო ტელევიზიაა.
,,რუსთავი ორი არის ერთადერთი ტელევიზია, რომელიც არის დამოკიდებული. სხვა მედია არის თავისუფალი დღეს. ერთადერთი არათავისუფალი მედია დღეს გახლავთ რუსთავი ორი... ტაბულაც იქა ხართ, რა თქმა უნდა, მაგრამ თქვენ არა ხართ იმდენად დიდი, რომ თქვენზე ყურადღება გადმოვიტანო. პატარები ხართ ძალიან. როდესაც დამოუკიდებელ მედიაზეა საუბარი, დღეს ყველა ტელევიზია არის თავისუფალი, გარდა რუსთავი ორისა. რუსთავი ორი გახლავთ სააგიტაციო ტელევიზია ნაციონალების და ღმერთმა მოგახმაროთ, ასეთიც უნდა იყოს. კარგად იყავით ერთად შეხმატკბილებული”, - განაცხადა ივანიშვილმა.
