საქართველოს პრემიერ-მინისტრის განცხადებით, ის, რაც გუშინ კორცხელში მოხდა, აღარ უნდა განმეორდეს. გიორგი კვირიკაშვილმა ჟურნალისტებთან ასევე განაცხადა, რომ მომავალში უფრო მეტი მობილიზაცია იქნება სამართალდამცავების მხრიდან საჭირო,
,,ერთხელ და სამუდამოდ, უნდა გადავშალოთ ფურცელი, როცა არჩევნები ტარდებოდა ძალადობით და მუშტი-კრივით არ უნდა გადაწყვიტოს მოსახლეობამ, ვინ უნდა აირჩიოს საქართველოს სამართვად. ეს არის დასაგმობი ინციდენტი. ვფიქრობთ, რომ მომავალში უფრო მეტი მობილიზაცია იქნება სამართალდამცავების მხრიდან საჭირო, რათა ასეთი ინციდენტები არ განმეორდეს“, - განაცხადა პრემიერ-მინბისტრმა.
მისივე თქმით, ამ ინციდენტის გამოძიება და დამნაშავეების დასჯა იქნება სახელმწიფოს ღირსების საკითხი.
