პარტია „ქართული ოცნება“ ყველა შესაბამის სახელმწიფო უწყებას მიმართავს, სათანადო რეაგირება მოახდინონ, რათა არჩევნებმა მშვიდ გარემობაში ჩაიაროს. „ქართული ოცნება-დემოკრატიული საქართველოს“ კორცხელში მომხდართან დაკავშირებით განცხადებას ავრცელებს.
„გვაქვს ინფორმაცია, რომ „ნაციონალური მოძრაობა“ სოფელ კორცხელში ვითარების კიდევ უფრო დაძაბვასა და საარჩევნო პროცესის ჩაშლას გეგმავს. „ნაციონალური მოძრაობის“ ლიდერები აცნობიერებენ, რომ არჩევნებს კორცხელში დიდი უპირატესობით აგებენ, ერთადერთ გამოსავლად კი პროვოკაციების მოწყობასა და არჩვენებისათვის ჩრდილის მიყენებას თვლიან. „ქართული ოცნება-დემოკრატიული“ საქართველო მიმართავს ყველა შესაბამის სახელმწიფო უწყებას, სათანადო რეაგირება მოახდინონ, რათა არჩევნებმა მშვიდ გარემობაში ჩაიაროს“, - აღნიშნულია განცხადებაში.
