ზუგდიდში, კორცხელის საარჩევნო უბანზე შესაძლებელია, ვითარება კვლავ დაიძაბოს. ამის შესახებ ჟურნალისტებს „ნაციონალური მოძრაობის“ წევრმა, ირმა ნადირაშვილმა განუცხადა.
ამასთან, ,,ნაციონალური მოძრაობის“ ნაცემი ლიდერები რამდენიმე წუთის წინ მხარდამჭერებთან ერთად უბანზე კვლავ დაბრუნდნენ. ადგილზე მობილიზებული არიან სამართალდამცველები.
„ნაციონალურ მოძრაობაში“ არ გამორიცხავენ, რომ დაპირისპირება შესაძლოა, ისევ მოხდეს.
კორცხელის საარჩევნო უბანთან ფიზიკური დაპირპისრება მოხდა. „ნაციონალური მოძრაობის“ ლიდერებს თენგიზ გუნავას, ნიკა მელიას და გიგა ბოკერიას ოპონენტები ფიზიკურად გაუსწორდნენ.
